चुंबन...

नेहमीसारखे ते दोघे हातांत हात घालून चालत होते
एकमेकांच्या डोळ्यांमधली सुखस्वप्ने पाहत होते

उद्यानाच्या "त्या" जागी ते दोघे येऊन बसले
एकमेकांकडे पाहून अन मग उगाचच ते हसले

त्यांच्यासारख्याच प्रेमवीरांचा तिथे भरला होता दरबार
बाहुपाशांत गुंतले होते सारे... नव्हता जगाशी सरोकार

तिथेच थोडया अंतरावर एक जोडपे होते बसले
त्यांचे चुंबनदृश्य याच्या अधीर डोळ्यांना दिसले

ते पाहून कामदेवाचा बाण बसला याच्या वर्मी
क्षणांत वाढू लागली त्याच्या देहाची गरमी

तिचा चेहरा हलकेच त्याने आपल्या हातांत घेतला
थरथरता आपला ओठ त्याने तिच्या ओठांजवळ नेला

तिच्याही कायेत होती यौवनाची मस्ती
या क्षणी जणू संचारली तिच्या शरीराल रती

त्याच्या आमंत्रणाला तिनेही दिली तशीच दाद
अधरांवर त्याच्या अधर टेकवून दिला गोड प्रतिसाद

क्षणांत झाले दोन नरम, उष्ण ओठांचे मिलन
दहादिशांना झाली जणू सप्तरंगांची उधळण

पुन्हा पुन्हा घेत होता तो त्या कोमल पाकळ्यांची गोडी
तीही मग मागे राहणार होती थोडी?

पाच-दहा मिनिटे त्यांचा हा खेळ चालूच राहिला
गळ्यात गळा घालून आम्ही दोघांनीही तो पाहिला...