प्रश्न कितीतरी...

मला कळत नाही माझं कुठे काय चुकतं
प्रत्येक छोट्याशा सुखालाही माझं मन का मुकत??

की नियती फक्त माझ्याशीच खेळते हा क्रूर खॆळ??
कधीच होणार नाही का आमच्या दोन मनांचा मेळ??

नशीब नशीब म्हणतो तरी मी कमनशीबी का??
मनातल्या भावनांना मी मनातच कोंडायचे का??

मार्गात प्रत्येक पावलावर का टोचतात मला काटे??
मिळेल प्रेम कधीतरी असे का अनुदिन मज वाटे??

आशेच्या कुबड्या घेऊन आता कुठवर जगायचं??
जवळ येणार्‍या प्रेमाला कितीदा दूर जाताना बघायचं??

दुःखाच्या वाळवंटात येणार नाही का सुखाचा वसंत??
नेहमी कोराच राहणार का मनातला प्रेमग्रंथ??

रात्रभर जागणार्‍या डोळ्य़ांना मिळणार नाही का विश्रांती??
धडपडणार्‍या मनाला कधीच मिळणार नाही शांती??

कधीच थकणार नाही का मी मृगजळामागे पळून??
कधीच बघणार नाही का ती मझ्याकडे वळून??